Ölümdən son anda qurtulan müğənni: Şokdayam, o, reanimasiyadadır - VİDEO

Xəbər verdiyimiz kimi, tanınmış müğənni Mətin Hüseynzadə (Madteen) avtoyuma məntəqəsinin qarşısında olarkən son anda ölümdən dönüb.

Ölkə.Az xəbər verir ki, ifaçı yayılmış görüntülərlə bağlı açıqlama verib. O, qəzada ağır yaralanan gəncin vəziyyəti barədə də danışıb:

“Dünən bədbəxt bir hadisə baş verib. Mənim maşınım avtoyuma məntəqəsində olarkən oradakı əməkdaşla maşın təmizləyərdik və anidən bir maşın gəldi və bizim maşına çırpıldı. 

Avtoyumanın əməkdaşı xəsarət aldı. İndi reanimasiyadadır. Hələ də şokdayam. Fikrim, ağlım ancaq ondadır. Qəzadan bir addım payı sağ qurtuldum. Maşın məni vurdu kənara atdı. Ayağımı da itirə bilərdim. Xəsarət alan qardaşla birlikdə mən də reanimasiyada ola bilərdim. Şükür ki, sağ-salamatam. Dualarınızı həmin gəncdən əsirgəməyin. Çünki onun 2 övladı var. Həyatda heç kəs heç nədən sığortalanmayıb. Allah hər kəsi xəta-bəladan, bədnəzərdən qorusun. Özünüzü qoruyun. Bu qəza bizə onu öyrədir ki, həqiqətən də sükan arxasında olarkən ehtiyatlı davranmaq lazımdır”. 

Billurə Yunus