2024 Paris Olimpiya Oyunlarının təşkilatçıları üzr istədi
2024 Paris Olimpiya Oyunlarının təşkilatçıları Hz. İsa ilə bağlı "Sonuncu şam yeməyi" rəsminin parodiyasına görə üzr istəyib.
Ölkə.Az xəbər verir ki, bu barədə 2024 Paris Olimpiya Oyunları Kommunikasiya direktoru Enn Deskamps oyunlarının təşkilinə məsul olan Beynəlxalq Olimpiya Komitəsinin (BOK) gündəlik mətbuat konfransında danışıb.
O, hər hansı bir dini qrupa hörmətsizlik etmək niyyətində olmadıqlarını deyib.
Qeyd edək ki, “Sonuncu şam yeməyi” XV əsrdə Milanda Leonardo da Vinçi tərəfindən, Lodoviko Sforsa və onun xanımı Beatriçe d'Este üçün yaradılmış divar rəsmidir. Xristianların inancına görə, bu şam yeməyi zamanı İsa on iki həvarisindən birinin ona xəyanət edəcəyini və onu satacağını bildirmişdi.
2024-cü il Paris Olimpiadasının açılış mərasimində isə “Sonuncu şam yeməyi” parodiya edilib və "drag-queen" (qadın paltarı geyinən və makiyaj edən kişi) çıxış edib.
Billurə
