Yanıldıq, müharibə uzanacaq – Nazirdən bəd xəbər

Ukraynada müharibə gözlənildiyindən çox davam edəcəyindən ölkə ciddi maliyyə problemləri ilə üzləşəcək.

Ölkə.az xəbər verir ki, bunu Ukraynanın maliyyə naziri Sergey Marçenko "rbc-ukrayna"ya müsahibəsində deyib.

Onun sözlərinə görə, Ukrayna 2025-ci ilə qədər davam edəcək hərbi əməliyyatların aktiv fazasına hazırlaşır ki, bu da beynəlxalq tərəfdaşlardan əlavə maliyyə tələb edir.

Nazir deyib ki, Beynəlxalq Valyuta Fondu (BVF) ilə əməkdaşlıq proqramının əsaslandığı ilkin proqnozların əhəmiyyətsiz olduğu üzə çıxıb.

"Proqram hazırlanarkən əsas parametrlərdən biri müharibənin aktiv fazasının 24-cü ilin ortalarına qədər davam edəcəyini müəyyən edirdi. Gördüyümüz kimi, bu proqnoz özünü doğrultmadı", - nazir bildirib.

Bu vəziyyət növbəti il üçün balanslaşdırılmış büdcənin formalaşdırılması üçün əlavə çətinliklər yaradır. 

Marçenko bildirib ki, beynəlxalq tərəfdaşların hazırkı təminatları ilə 2025-ci il üçün balanslaşdırılmış büdcə təqdim etmək üçün kifayət deyil.

Onun fikrincə, müharibə hələ 2025-ci ildə də davam edəcəyindən maliyyə buferi yaratmaq üçün Ukraynaya əlavə maliyyə təminatı lazımdır.

Nazir onu da bildirib ki, 2025-ci ildə Ukraynanın əlavə maliyyə ehtiyaclarına 12-15 milyard ABŞ dolları həcmində vəsait lazımdır.

Mürtəza
Ölkə.Az