Putin rusiyalı məhbusları hava limanında qarşıladı - FOTO/VİDEO

ABŞ başda olmaqla 7 ölkə arasında mübadilə razılaşması nəticəsində Türkiyə MİT-in koordinasiyası ilə Rusiyaya qayıdan 8 məhbusu Moskva hava limanında Rusiya prezidenti Vladimir Putin gül dəstələri ilə qarşılayıb.

Ölkə.Az xəbər verir ki, MİT-in koordinasiyası ilə ABŞ, Rusiya, Almaniya, Polşa, Sloveniya, Norveç və Belarus arasında baş tutan məhbus mübadiləsi çərçivəsində 8 nəfər Moskvaya qayıdıb.

Rusiya prezidenti Vladimir Putin Ankaradan gələn rus məhbusları paytaxt Moskvanın Vnukovo hava limanında qarşılayıb. 

Rus məhbuslardan bəziləri qarşılanma zamanı göz yaşlarını saxlaya bilməyib. 

Putin rusiyalı məhbuslara müraciət edib: "Sizi vətənə qayıtmağınız münasibətilə təbrik edirəm. Xüsusilə ordumuzla əlaqəsi olan əsgərlərimizə müraciət edirəm. Andınıza sadiq qaldığınız üçün sizi bir an belə unutmamışam”.

Putin həmçinin bəyan edib ki, ölkəsinə qayıdan rusiyalı məhbuslar mükafatlandırılacaq.

Mürtəza
Ölkə.Az