Bakının mərkəzində 20 yaşlı qızı maşına qoyub qaçırıblar?
Bakının Binəqədi rayonunda 20 yaşlı gənc qızın maşına mindirilərək qaçırıldığı idda edilib.
"Ölkə.az" Baku.ws-ə istinadla xəbər verir ki, hadisə dünən Binəqədi rayonu 99 nömrəli məktəbin yaxınlığında qeydə alınıb.
Məlumata görə, 2004-cü il təvəllüdlü G.A bir müddət əvvəl yaşadığı evi tərk edib. Ötən gün isə o, anası və digər yaxın qohumları tərəfindən Binəqədi rayonu ərazisində tapılıb və Sabunçu rayonunda yerləşən tibb müəssisələrindən birinə yerləşdirilib.
Məsələ ilə bağlı Binəqədi Rayon Polis İdarəsində təhqiqat araşdırmaları aparılır.
