ABŞ Suriyadakı bazalarını gücləndirir - KİV
ABŞ hərbçiləri Suriyanın şimal-şərqindəki Haseke əyalətindəki bazalarını gücləndirir.
"Ölkə.az" xəbər verir ki, bu barədə RİA Novosti Suriya hərbi mənbəsinə istinadən məlumat yayıb.
“ABŞ qüvvələri hücum imkanlarını təkmilləşdirmək üçün bazalarını 15 Apaçi helikopteri ilə gücləndirib”, - mənbə bildirib.
O, qeyd edib ki, “Haseke vilayətinin kəndlərində yerləşən Xarab əl-Cir bazasına hərbi texnika, hava hücumundan müdafiə batareyaları, maddi-texniki təchizat və hərbi materiallarla yüklənmiş ABŞ hərbi təyyarəsi gətirib.
Pentaqon bundan əvvəl ABŞ müdafiə nazirinin Yaxın Şərqdə İsraili müdafiə etmək üçün əlavə qüvvələrin yerləşdirilməsinə nəzarət edəcəyini və bu qüvvələrin sayı ilə bağlı yekun qərarın hələ verilmədiyini açıqlamışdı.
Elvin
Ölkə.az
