Azərbaycanda turizm yarmarkası keçiriləcək
Noyabrın 14-də Azərbaycanda III mövsümi turizm yarmarkası keçiriləcək.
Ölkə.Az xəbər verir ki, bunu Trend-ə Azərbaycan Turizm Assosiasiyası sədrinin müavini Müzəffər Ağakərimov deyib.
Onun sözlərinə görə, Bakıda keçiriləcək bu yarmarkada turizm şirkətləri iştirak edəcək. Yarmarkanın keçirilməsində əsas məqsəd Azərbaycanda daxili və gəlmə turizmini inkişaf etdirməkdir. Yarmarkada yeni turizm marşrutları, yeni layihələr təqdim ediləcək.
