İlhamiyyə Rza: "Biz ictimai fəaliyyətdən geri duran deyilik"

Parlament seçkilərindən sonra "125-lər klubu"nun aqibətinin nə olacağı sual altında idi.

Məsələyə "125-lər klubunun" sədri İlhamiyyə Rza Ölkə.Az-da aydınlıq gətirib:

""125-lər klubu" parlament seçkiləri üçün nəzərdə tutulmuşdu. Ancaq biz təşkilatlanmışıq. Seçkilərdən sonra 125-lərin heç bir toplantısı olmayıb. Hər kəs seçkilərdən sonra qanun pozuntularının qeydə alınması ilə məşğuldur. Gələn həftə biz 125-lərin toplantısını keçirəcəyik. Birgə qərar verəcəyik ki, hansı şəkildə biz fəaliyyətimizi davam etdirəcəyik. Təşkilat olaraq fəaliyyətimizin dayanması fikrində deyiləm. Ola bilər ki, bundan sonra forma və adımızı dəyişəcəyik. Biz ictimai fəaliyyətdən geri duran deyilik. Dünən gəlməmişik ki, bu gün də gedək".

Səxavət Məmməd
Ölkə.Az