Türkiyənin məşhur aktrisası ilk dəfə Bakıda tamaşa göstərəcək

Türkiyənin məşhur kino və teatr aktrisası Sumru Yavrucuk ilk dəfə Bakıya gəlir.

Ölkə.Az xəbər verir ki, sənətçi “Sherley Valentine” tamaşası ilə sevənlərinin qarşısına çıxacaq.

İkipərdəli mono tamaşa gündəlik həyatının darıxdırıcılığında itib-batan və bir çox qadınlar kimi yuxularını belə unudan Şirley Valentaynın hekayəsindən bəhs edir.

Yavrucuk həm də Şirlinin rejissorudur və tamaşadakı bütün obrazları tək canlandırır.

Tədbir 5-6 oktyabr tarixlərində Azərbaycan Dövlət Akademik Musiqili Teatrında baş tutacaq. 

Qeyd edək ki, S.Yavrucuk Azərbaycanda “Yabancı damat” serialındakı obrazı ilə məşhurlaşıb. O bundan başqa “Fatmagülün suçu ne?”, “Şahane hayatım”, “Evlilik hakkında her şey” kimi reytinqli layihələrdə də unudulmaz obrazlar canlandırıb.