Bakıda ağır yol qəzası

Bakıda ağır yol qəzası olub

Hadisə şahidlərinin Ölkə.Az-a verdikləri məlumata görə, "Elit" ticarət mərkəzinin qabağında qəza baş verib. Belə ki, "Hyundai" markalı avtomobil piyada keçidinin qarşısında dayanaraq onlara yol verən zaman arxadan sürətlə gələn "Mercedes S-Klass" markalı avtomobillə toqquşub. Toqquşma nəticəsində "Hyundai" piyada keçidindən istifadə edən 2 gənci vurub.

Gənclərin vəziyyətinin olduqca ağır olduğu bildirilir. Təcili tibbi yardım maşınının gec gəldiyi üçün onları polis avtomobilində xəstəxanaya çatdırıblar.

Onların 23-25 yaşı olduğu bildirilir. 

Həmin ərazidə işıqfor olmadığı üçün bu cür qəzaların çox olduğu bildirilir.

 

Niyam Şirinov

Video: Baxış Süleymanov

Ölkə.Az