Ağ Ev Ankaranı Moskvaya görə hədələdi

Vaşinqton Rusiyaya Amerika avadanlıqları tədarük etdiyinə görə Türkiyəni sanksiyalarla hədələyib.

Ölkə.Az "Financial Times"ə istinadən  xəbər verir ki, ABŞ ticarət nazirinin  köməkçisi Metyu Akselrod bu yaxınlarda Ankara və İstanbulda Türkiyə rəsmiləri ilə görüşüb. 

Amerikalı təmsilçi keçirdiyi görüşlərdə xəbərdarlıq edib ki, Türkiyə ABŞ texnologiyalarının Rusiyaya ixracını azaltmasa,  acı nəticələrlə üzləşəcək .

ABŞ hesab edir ki, Qərb elektronikası Türkiyə vasitəsilə Rusiyaya çatır. 

“Amerika texnologiyalarının Rusiyaya qeyri-qanuni axınının qarşısının alınmasında Türkiyənin bizə kömək etməsi lazımdır. Biz bu istiqamətdə Türkiyə hakimiyyət orqanlarından və sənayesindən sürətlə irəliləyiş görməliyik, əks halda bizim ixrac nəzarətimizdən yayınanlara sanksiya tətbiq etməkdən başqa çarəmiz qalmayacaq”, – Metyu Akselrod nəşrə açıqlmasında deyib.

Mürtəza
Ölkə.Az