Şahmatçıdan inanılmaz əməl: rəqibini bu yolla zəhərlədi - VİDEO

Rusiyada şahmatçı rəqibini zəhərləyib.

Ölkə.Az Rusiya mətbuatına istinadla xəbər verir ki, hadisə Mahaçqalada keçirilən turnir zamanı baş verib.

Belə ki, rusiyalı şahmatçı Əminə Abakarova rəqibi Umayqanat Osmanovanın oyun taxtasına civə töküb. U.Osmanovanın vəziyyəti pisləşərək xəstəxanaya yerləşdirilib.

Həqiqət isə oyun zalındakı təhlükəsizlik kameraları görüntülərinə baxıldıqdan sonra üzə çıxıb.

Ə.Abakarova barəsindəki ittihamlarla bağlı bildirib ki, rəqibi ona və yaxınları barədə xoş olmayan sözlər deyib. O, həmçinin baş verənlərin yarışla əlaqəli olmadığını, şəxsi düşmənçilik zəmnində etdiyini söyləyib.

Rusiya Şahmat Federasiyası Abakarovanın hadisədən sonra müvəqqəti olaraq milli yarışlardan kənarlaşdırıldığını açıqlayıb. Bildirilib ki, məhkəmə prosesi yekunlaşdıqdan sonra o, ömürlük yarışlardan uzaqlaşdırıla bilər.

Bundan əlavə, saxlanılan şahmatçı barəsində sağlamlığa zərər vurduğuna görə həbs cəzası tələb edilir.

Billurə