Kişilərin Müdafiəsi Dərnəyi Merve Boluğuru məhkəməyə verir

Kişilərin Müdafiəsi Dərnəyi türkiyəli aktrisa Merve Boluğuru məhkəməyə verir.

Ölkə.Az “Posta” qəzetinə istinadla xəbər verir ki, buna səbəb aktrisanın kişilər haqqında söylədiyi sözlər olub.

“Kişilər münasibətin əvvəlində tam istədiyimiz kişilər imiş kimi davranaraq bizi yanıldırlar. Kişilərin 99%-i şərəfsizdir”- aktrisa deyib.

Onun bu fikirləri qısa müddətdə sosial şəbəkələri tərəfindən narazılıqla qarşılanıb.

Kişilərin Müdafiəsi Dərnəyi qeyri-hökumət təşkilatı kişilərin və bir çox qurumun tənqid etdiyi Boluğura qarşı məhkəmədə iddia qaldırmağa hazırlaşır.

“Kimin şərəfsiz olduğunu görəcəyik, məhkəməyə veririk”, - deyə dərnəyin sosial şəbəkə səhifəsində qeyd edilib.

Qeyd edək ki, Merve Boluğur 2015-ci ildə müğənni Murat Dalkılıçla evlənsə də, cütlük 2 il sonra ayrılıb.

2022-ci ildə növbəti dəfə ailə həyatı quran aktrisa 53 gün sonra bu evliliyini də sonlandırıb.

Aktrisa ötən aylarda növbəti dəfə yeni münsibətə başlasa da, qısa çəkib.

Ölkə.Az