Bu sabiq deputatlar daha 1 il maaş alacaqlar
VI çağırış Milli Məclis deputatı olan, lakin 1 sentyabr 2024-cü ildə VII çağırış Milli Məclisə keçiriləcək növbədənkənar parlament seçkilərində namizədliklərini verməyən və pensiya yaş həddinə çatmayan deputatlar da maaşsız qalmayacaqlar.
Ölkə.Az xəbər verir ki, əmək qanunvericiliyinə əsasən, əgər deputatın səlahiyyət müddəti bitərsə və o, bir il müddətində hansısa səbəblərdən işsiz qalarsa, sabiq parlament üzvünə aylıq məvacib veriləcək.
Bu barədə "Milli Məclis deputatının statusu haqqında" qanunda da öz əksini tapıb. Həmin qanununun 30-cu (Deputatın səlahiyyət müddəti qurtardıqdan sonra təminatları" maddəsində deyilir:
"Səlahiyyət müddəti qurtardıqdan sonra sabiq deputat işə düzələnədək 1 il müddətində hər ay deputatın aylıq vəzifə maaşının 80 faizi məbləğində qanunvericiliklə müəyyənləşdirilmiş qaydada müavinət alır.
Məhkəmənin qanuni qüvvəyə minmiş hökmü əsasında deputat mandatından məhrum edilmiş və Milli Məclisin iclaslarında üzürsüz səbəbdən iştirak etmədiyinə görə deputat səlahiyyətlərini itirmiş deputatlar istisna olmaqla, deputatın, sabiq deputatın və onun ailə üzvlərinin pensiya təminatı “Əmək pensiyaları haqqında” Azərbaycan Respublikasının Qanununa uyğun olaraq həyata keçirilir".
Hazırda deputatların aylıq maaşı 2485 manat təşkil edir və onun da 80 faizi 2000 manat edir.
Qeyd edək ki, VI çağırış Milli Məclisin deputatı olan və yenidən namizədliyini irəli sürməyən, o cümlədən pensiya yaşına çatmayan deputatlar bunlardır:
Emin Hacıyev, Kamilə Əliyeva, Etibar Əliyev, Elşad Mirbəşir, Cavid Osmanov, Əliabbas Salahzadə, İqbal Məmmədov, Rüfət Quliyev, Mahir Abbaszadə, Cəbi Quliyev, Aqil Məmmədov, Jalə Əhmədova.
Professor Nizami Cəfərovun isə sentyabr ayında 65 yaşı tamam olduğundan pensiya çıxacaq və deputat pensiyası alacaq.
Mürtəza
Ölkə.Az
