Adı Bibliyada keçən Laodikeya kilsəsi Anadoluda aşkarlandı
Türkiyənin Qərbi Anadolu bölgəsindəki arxeoloji abidələri ilə məşhur olan Dənizlinin Laodikeya bölgəsində Skilla qrupuna aid bir sıra heykəllər tapılıb. Ellinizm dövrünün barokko üslubunu əks etdirən bu qeyri-adi heykəllər yaxşı qorunub saxlanılan orijinal rəngi və bədii üslubları ilə seçilir.
Bu qeyri-adi orijinal Skilla heykəltəraşlıq nümunələrinə aid olan heykəllər türk arxeoloqları tərəfindən YUNESKO-nun Ümumdünya İrs Siyahısına daxil edilmiş Laodikeyadakı Qərb Teatrının səhnə binasının bərpası zamanı aşkar edilib. Heykəltəraşlıq qrupuna insan yeyən canavar Skillanın başı və əli, Odisseyin cəsədi, vəhşi itlərin hücumuna məruz qalaraq öldürülən yoldaşlarının iki üst bədən heykəli və Odisseyin gəmisinin burnu daxildir.
Bu heykəltəraşlıq nümunələri, güman edilir ki, qədim zamanlarda Qərb Teatrının səhnə binasının ikinci mərtəbəsində nümayiş etdirilib.
Müasir Dənizlidən bir neçə dəqiqəlik şimalda yerləşən Laodikeya, Selevkilər Kralı II Antiokus Teos tərəfindən qurulmuş və həyat yoldaşı Kraliça Laodikenin şərəfinə adlandırılıb. Tarixin ən böyük ticarət mərkəzlərindən biri kimi tanınan və görməyə dəyər bir şəhərdir. Laodikeya xristian dünyası üçün böyük əhəmiyyət kəsb edib. Əhdi-Cədiddə (Bibliya) adı çəkilən Yeddi Kilsənin ən qədim nümunələrindən biri olan Laodikeyan Kilsəsi də burada yerləşir.
Mürtəza
Ölkə.Az