Almaniyada hərbi hissəyə bioloji hücum - ŞOK 

Almaniyada kansler Olaf Soltsun və nazirlərinin səfərləri üçün istifadə edilən hərbi təyyarələrin olduğu hərbi bazaya hücum edilərək beş minə yaxın hərbçinin zəhərlənməsinə cəhd göstərilib.

Ölkə.Az "Spiegel"ə istinadən xəbər verir ki, müasir dövrdə müharibələr təkcə silahlarla və ya toplarla aparılmır. Texnologiya əsrində artıq dövlətlər bir-birinə asanlıqla bioloji hücumlar edə bilirlər. Belə bir hadisə avqustun 13-də Almaniyanın Köln şəhərindəki hava limanı yaxınlığında yerləşən və əsasən də Ukraynaya yardım edən hərbi bazada baş verib.

"Spiegel"in yazdığına görə, hərbi bazada diversiya cəhdləri olub. Belə ki, naməlum şəxsin hərbi bazaya icazəsiz girişindən sonra hərbçilərin istifadə etdiyi su bioloji maddələrlə çirkləndirilib. Nəticədə 4300 əsgərin və 1200 mülki işçinin çalışdığı hərbi baza karantinə alınıb.

Hərbi bazaya giriş-çıxış qadağan edilib. Yaranmış vəziyyətlə bağlı alman polisi və hərbi kəşfiyyat xidməti təxribatla bağlı  araşdırma aparır.

Köln polisi hadisə ilə bağlı şərh verməkdən imtina edib.

Mürtəza
Ölkə.Az