Quql parçalana bilər
ABŞ-nin Ədliyyə Nazirliyi Quql şirkətini parçalamağı planlaşdırır.
“Qafqazinfo” xəbər verir ki, bu haqda “Bloomberg” məlumat yayıb.
Müzakirələrə görə, şirkətin onlayn axtarış bazarını inhisara aldığı aşkar edilib.
Digər bir tərəfdən layihədə onun süni intellekt (AI) məhsullarında ədalətsiz üstünlük əldə etməsinin qarşısını almaq üçün tədbirlər də öz əksini tapıb.
Qeyd edək ki, Ədliyyə Departamentinin müzakirələri hakim Amit Mehtanın avqustun 5-də şirkətin onlayn axtarış və mətn reklamları bazarlarını qeyri-qanuni monopoliyaya çevirməsi barədə qərarından sonra gündəmə gəlib.
Quql isə bu qərarı apellyasiya şikayətinə verəcəyini bildirib.
