Vəfat edən əsgərin atası danışdı

Daxili Qoşunlarının müddətli həqiqi hərbi xidmət hərbi qulluqçusu əsgər Sərxan Nəriman oğlu Qurbanov avqustun 14-də xəstəlikdən vəfat edib.

Bizim.Media-nın şimal bürosunun əldə etdiyi məlumata görə, hadisə Daxili Qoşunların Hacıqabul rayonunda yerləşən hərbi hissəsində baş verib.

19 yaşı olan Sərxan Qurbanov əslən Xaçmaz rayonundandır.

Mərhum əsgərin atası, keçmiş hərbçi Nəriman Qurbanov oğlunun hansı xəstəlikdən ölməsi barədə konkret məlumatı olmadığını deyib.

Sərxan Qurbanovun meyiti tibbi-ekspertiza edilib.

Faktla bağlı Hərbi Prokurorluqda araşdırma aparılır.

Xatırladaq ki,  Daxili İşlər Nazirliyinin Mətbuat xidmətindən məlumat verilib ki, Daxilin Qoşunlarının müddətli həqiqi hərbi xidmət hərbi qulluqçusu əsgər Qurbanov Sərxan Nəriman oğlu avqustun 14-də xəstəlikdən vəfat edib.

"Hərbi qulluqçunun ailəsinə və yaxınlarına dərin hüznlə başsağlığı veririk. Faktla bağlı araşdırma aparılır", - deyə məlumatda qeyd edilib.