Səudiyyə şahzadəsi İsrailə görə öldürülməkdən qorxur - "Politico"
Səudiyyə Ərəbistanının vəliəhd şahzadəsi Muhamməd bin Salman sui-qəsdə məruz qalmaqdan qorxur.
Ölkə.Az xəbər verir ki, bu iddia ilə ABŞ-nin “Politico” nəşri çıxış edib. Qəzetin yazdığına görə, şahzadə İsraillə normallaşma addımları atacağı təqdirdə öldürüləcəyindən narahatdır.
Nəşr Salmanın bu narahatlığını ABŞ konqresinin üzvlərinə çatdırdığı bildirilir.
Qeyd olunub ki, şahzadə Salman hətta 1981-ci ildə İsraillə razılığa gəldikdən sonra öldürülən sabiq Misir dövlət başçısı Ənvər Sedatı nümunə göstərib.
“Şahzadə Salman İsarillə münasibətləri yaxşılaşdırmaq üçün Səudiyyəyə təzyiq göstərən ABŞ-ni bu yolla razı salmağa çalışır”,- deyə nəşr yazıb.
“Səudiyyə Ərəbistanı və İsrail arasında gizli danışıqlarda müzakirə edilən normallaşdırma sazişinə Ər-Riyadın nüvə proqramı və texnologiyaya sərmayə qoyuluşu müqabilində Çinlə məhdudlaşdırıcı müqavilələr daxil edilib”-“Politico” iddia edib.
Qeyd edək ki, Qəzzaya hücumların başladığı 7 oktyabrdan əvvəl Səuddiyyə Ərəbistanı və İsrail araında münasibətləri normallaşdırmaq üçün görüşlər keçirilirdi.
Billurə Yunus
