Avropalı nazirdən skandal qərar: Polis evlərə gizli kamera qoya bilər

Almaniyanın Federal Daxili İşlər naziri Nensi Fazerin verdiyi qərar ölkəsində ciddi müzakirələrə yol açıb.

Ölkə.Az xarici KİV-ə istinadla xəbər verir ki, bu barədə Almaniya Redaksiya Şəbəkəsi hüquq-mühafizə orqanlarındakı etibarlı mənbələrə istinadla məlumat yayıb.
Belə ki, alman nazirin yeni qanun layihəsi hazırladığı bildirilir. Layihədə başda terror olmaqla təhlükəsizlik baxımından təhdid təşkil edən hallarda prokurorluqdan xüsusi icazə alınmadan federal polisin sözügedən ərazi və evlərə gizlicə daxil olaraq axtarış aparması öz əksini tapıb.

Qanun layihəsinə görə, Almaniya polisi bu axtarışlar zamanı kompüter və mobil telefonlara uzaqdan idarə olunan monitorinq sistemləri və gizli kameralar yerləşdirə biləcək.

Qanun layihəsinə ilk reaksiya verən Azad Demokrat Partiyasının ədliyyə naziri Marko Buşman olub. O bildirib ki, konstitusiya dövlətində bunu etmək olmaz. 

Nazirlikdən məsələ ilə bağlı iddialarla bağlı açıqlama verməyib.

Vəkillər qeyd edir ki, prokurorluğun icazəsi olmadan axtarışların aparılması federal polis tərəfindən sui-istifadə hallarına səbəb ola bilər.

Billurə Yunus