ABŞ rus təyyarəsinin partladıldığı haqda sübutlara malikdir
ABŞ Misirdə qəzaya uğramış rus təyyarəsi ilə bağlı yeni bəyanat yayıb.
Ölkə.az xəbər verir ki, Ağ Evin mətbuat katibi Coş Ernest Vaşinqtonun terror aktı versiyasını dəstəklədiyini deyib.
"Bizim əlimizdə kifayət qədər dəlillər var ki, Misir səmasında qəzaya uğramış А321 təyyarəsinin terror aktı nəticəsində partlamasını deyək", deyə Ernest bildirib.
Xatırladırıq ki, oktyabr ayının 31-də Rusiyaya məxsus А321 sərnişin təyyarəsi Şarm-əş-Şeyx Sankt-Peterburq reysini həyata keçirərkən Sinay yarımadası üzərində qəzaya uğramış, yerə çırpılaraq parçalanmışdı. Təyyarədəki 217 sərnişinin və 7 ekipaj üzvünün hamısı qəza nəticəsində həlak olmuşdular.
Ölkə.az
