Saça faydalı qarğıdalı nişastası maskası necə hazırlanır?

Son zamanlar sosial şəbəkələrdə quru şampun əvəzinə qarğıdalı nişastasından istifadə tendensiyası yayılmaqdadır.

Ölkə.Az “haber 7”yə istinadla xəbər verir ki, saç baxımında üstünlük verilən təbii məhsullar arasında yer alan qarğıdalı nişastası ilə saç və üz üçün maskalar hazırlamaq mümkündür.
Saçınızı yumağa vaxtınız yoxdursa, qarğıdalı nişastasını quru şampun kimi istifadə edə bilərsiniz. Saç dərinizə az miqdarda qarğıdalı nişastası səpin, sonra saç dərinizə masaj edin.
Bu, artıq yağın udulmasına və saçınızın daha sağlam görünməsinə kömək edəcək.

Həcmləndirici: Qarğıdalı nişastası saç üçün təbii həcmləndirici kimi də istifadə edilə bilər. Bunun üçün qarğıdalı nişastasını az miqdarda su ilə qarışdıraraq məcun hazırlayın və saç köklərinə çəkin. Bu, saçınıza həcm qazandıracaq.

Həmçinin sözügedən məcunu saçınızı fenləməzdən əvvəl vursanız, bu, saç düzümünüzü uzunmüddətli edəcək.

Nişastadan hazırlanan üz maskasının tərkibi

1 xörək qaşığı qarğıdalı nişastası
1 xörək qaşığı su
İstəsəniz, bir neçə damcı efir yağı (məsələn, lavanda və ya çay ağacı yağı)

Hazırlamaq qaydası

Kiçik bir qabda qarğıdalı nişastası və suyu qarışdıraraq məcun düzəldin.
İstəyirsinizsə, bir neçə damcı efir yağı əlavə edin və yaxşı qarışdırın.
Maskanı təmiz əllərlə və ya fırça ilə üzünüzə çəkin. Diqqətli olun ki, gpöz ətrafına düşməsin.
Maskanı üzünüzdə quruyana qədər 10-15 dəqiqə saxlayın və quruyanda ilıq su ilə yuyun, üzünüzü qurulayın.
Bu maska dərini sakitləşdirməyə və yumşaltmağa və artıq yağı udmağa kömək edə bilər. Qarğıdalı nişastası həm də dəri ağardıcı təsirə malikdir.

Bununla belə, allergik reaksiya olmadığından əmin olmaq üçün əvvəlcə maskanı dərinizin kiçik bir yerində sınamaq vacibdir.

Maskanı çox istifadə etməkdən çəkinin, çünki həddindən artıq istifadə edildikdə dərini quruda bilər.

Billurə Yunus