Niyaməddin Musayevdən jurnalistlər haqda maraqlı

"Jurnalistlər deyirlər ki, xeyli vaxtdır efirdə görünmürsən. Bu sözü şablonlaşdırıblar. Amma bu belə deyil. Əvvəl bir kanal var idi. İndi telekanalların sayı çoxdur deyə, ola bilsin ki məni görmürlər. Sənətkar hansı yaşda olur-olsun, əgər həyatın tələbatını ödəyə bilirsə, mahnıları, özü sevilirsə, əlbəttə, onu dəvət edirlər. İndi çox gözəl zamandır. Gəncləri də efirə dəvət edirlər, yaşlı nəsili də. Gileylənən onsuz da gileylənəcək".

Bu fikirləri Ölkə.Az-a açıqlamasında xalq artisti Niyaməddin Musayev səsləndirib. İfaçı yaradıcılığından danışıb və yeni mahnılar yazdırdığını söyləyib:

"Bir neçə yeni mahnım var. Hamısı da öz bəstələrimdir. Tezliklə tamaşaçılara təqdim edəcəyəm".

Xalq artisti əməkdaşımızın "solo konsert vermək fikriniz varmı" sualını belə cavablandırıb:

"Konserti gərək kimsə təşkil etsin. Bu məndən asılı olan məsələ deyil. Bunun üçün maddiyyat lazımdır"

İntiqam VALEHOĞLU

Ölkə.Az