İranda zəvvarların olduğu avtobus aşdı - 35 nəfər öldü (VİDEO)

İraqın Kərbəla şəhərində Ərbəin mərasimlərində iştirak etmək üçün İran üzərindən İraqa gedən pakistanlıları daşıyan avtobus qəzaya uğrayıb. Nəticədə çoxsaylı insan ölüb və yaralanıb.

Ölkə.Az xəbər verir ki, bu barədə İran dövlət televiziyası məlumat verib.

Məlumatda bildirilir ki, hadisə İranın Yəzd əyalətinin Dehşir-Teft yolunda baş verib. Avtobusun aşması nəticəsində 35 pakistanlı həyatını itirib, 14-ü ağır olmaqla 23 nəfər yaralanıb.

Qəzaya səbəb avtomobilin əyləc sistemindəki nasazlıq səbəb olub.

Əraziyə xilasedicilər və polis əməkdaşları cəlb edilib. Hadisənin səbəbi araşdırılır.

Aşura günündən 40 gün sonra keçirilən anım tədbirləri “Ərbəin” (Qırxıncı gün) mərasimləri adlanır. Builki Ərbəin tədbirləri avqustun 25-də keçiriləcək.

Mürtəza
Ölkə.Az

.