İtaliyadan Azərbaycanın ərazi bütövlüyünə qarşı hörmətsizlik
Qondarma Dağlıq Qarabağ respublikası İtaliyanın turizm sərgisində nümayiş olunub
Ölkə.Az Armtoday-a istinadən xəbər verir ki, Ermənistan və qondarma Dağlıq Qarabağ respublikası İtaliyanın Rimini şəhərində təşkil olunan "TTG Incontri" turizm sərgisində təmsil olunacaq.
Qondarma respublikanın sərgidə təmsil olunması Ermənistanın milli rəqabətə davamlılıq fondunun dəstəyilə baş tutub. Sərgidə təqribi olaraq 130 ölkədən 2400 turizm şirkətinin və 52 min ziyarətçinin iştirakı gözlənilir.
"TTG Incontri" sərgisində italyan dilində qondarma Dağlıq Qarabağ respublikasının uydurma tarixi və mədəniyyəti haqqında informasiyalar nümayiş olunacaq.
Bu sərgidə əsas məqsəd regiona turistləri cəlb etməkdir.
Rəşid Mustafazadə
Ölkə.Az
