Rəşad Sadıqov “Omoniya” ilə matçdan danışdı

“Zirə”nin baş məşqçisi Rəşad Sadıqov Konfrans Liqasının təsnifat mərhələsinin pley-offunda sabah Nikosiyada keçiriləcək “Omoniya” – “Zirə” oyunöncəsi mətbuat konfransında iştirak edib.

“Qafqazinfo” xəbər verir ki, təcrübəli mütəxəssis sabahkı oyunla bağlı fikirlərini bildirib.

“Sabah bizi çox vacib, maraqlı oyun gözləyir. Artıq iki aydır ki, avrokuboklarda çıxış edirik. Sabah pley-offun ilk oyununda çıxış edəcəyik. Rəqibimiz təcrübəli və keyfiyyətli komandadır. Azərbaycan futbol ictimaiyyətinə tanış rəqibdir. İstər “Qarabağ”la, istərsə də “Qəbələ” ilə oyunlardan xatırlayırıq bu komandanı. Son dönəmdə məşqçi heyətində dəyişiklik baş verib və bir neçə yeni transferləri var. Bu, komandanın oyununda hiss olunur. Düşünürəm ki, azarkeləri sabah maraqlı və gərgin oyun gözləyir”.

Qeyd edək ki, “Omoniya” – “Zirə” matçı sabah saat 21:00-da start götürəcək.