Həbsxana işçilərini girov götürüb 2 mln dollar və helikopter tələb etdilər - VİDEO - RUSİYA
Rusiyanın Volqoqrad vilayətindəki həbsxanalardan birində insanları girov götürən məhbuslar 2 milyon dollar və bir helikopter tələb ediblər.
Ölkə.Az "Mash" telegram kanalına istinadən xəbər verir ki, hadisər Surovikinski rayonundakı IK-19 ciddi rejimli koloniyasında baş verib.
Məhbuslar həbsxananın azı üç əməkdaşını qətlə yetiriblər.
"Ən azı yeddi nəfər yaralanıb və reanimasiyadadır. Daha bir neçə nəfər girov saxlanılır.
Hücum edənlərdən biri “terror aktı” maddəsi ilə mühakimə olunub.
Cəzaçəkmə koloniyasında fövqəladə vəziyyət elan edilib", - teleqram kanalı yazır.
Məlumata görə, məhbuslar İŞİD terror qruplaşmasının tərkibindədir.
"Təhlükəsizlik qüvvələri hadisə yerindədir. Xüsusi təyinatlılar həbsxanaya basqın etməyə hazırlaşır”, - "Mash" yazır.
Mürtəza
Ölkə.Az
