ABŞ Rusiya banklarının filiallarını açan ölkələri hədələdi

ABŞ Qərb sanksiyalarından yan keçmək üçün Rusiya banklarına öz yurisdiksiyalarında filial açmağa icazə verən ölkələri hədəf almağa davam edəcək. 

"Ölkə.az" xəbər verir ki, bu barədə ABŞ maliyyə nazirinin müavini Uolli Adeyemo "Financial Times" qəzetinə müsahibəsində bildirib.

O, Maliyyə Nazirliyinin təkcə bu ölkələrdə açılan filiallarını deyil, onların yurisdiksiyalarında olan digər təşkilat və şirkətləri də izləyəcəyini vurğulayıb.

Adeyemo əlavə edib ki, böyük beynəlxalq bankların əksəriyyəti Qərb ölkələrinin güclü mövqeyinə görə imtina edib və riskə getmək istəmir. O, bildirib Bu banklar Rusiya ilə deyil, ABŞ, Avropa İttifaqı, Böyük Britaniya və digər Vaşinqton müttəfiqləri ilə çox iş görürlər, buna görə də onlar dollar, avro, funt sterlinq və ya yenaya çıxışını itirmək istəmirlər.

Avqustun 23-də ABŞ-ın ixrac məhdudiyyətlərinə Rusiyadan 60-dan çox, Çindən 42 və İrandan 11 hüquqi şəxs əlavə etdiyi bildirilir. Bildirilib ki, bu şirkətlər "ABŞ-ın milli təhlükəsizlik maraqlarına və xarici siyasətinə zidd fəaliyyət göstərən" kimi siyahıya alınıb.