Durovun saxlanılmasını Assanjın həbsi ilə müqayisə etdi

Rusiya Dövlət Dumasının deputatı və Təhlükəsizlik Komitəsinin üzvü Mixail Şeremet teleqram messencerinin yaradıcısı Pavel Durovun Fransada saxlanılmasını 2019-cu ildə həbs edilən “WikiLeaks”in qurucusu Culian Assanjın həbsi ilə müqayisə edib və Qərb ölkələrini söz və ifadə azadlığına qəsdən hücumda ittiham edib.

“Ölkə.az” xəbər verir ki, bu barədə “Ria Novosti” məlumat yayıb.

“Pavel Durovun saxlanılması “WikiLeaks”in qurucusu Culian Assanjın 2019-cu ildə Londonda həbsini xatırladır”.

Deputatın sözlərinə görə, bu insidentlərin hər ikisi ifadə azadlığına sistemli hücumu və Qərb ölkələrinin informasiya məkanına tam nəzarəti əldə etmək istəyini nümayiş etdirir.

O, Durovun həbsinin Assanjın həbsinə səbəb olan siyasətin davamı olduğunu vurğulayıb.

Onun fikrincə, Durov və Assancın həbsləri Qərb ölkələrinin siyasi məqsədlərinə çatmaq üçün istənilən qanunları pozmağa hazır olduqlarının bariz nümunəsidir.

Xatırladaq ki, Assanj 2010-cu il oktyabrın 28-də “Wikileaks” ABŞ-nin İraq və Əfqanıstanda həyata keçirdiyi əməliyyatlarla bağlı 251 min gizli sənəd dərc edib. Bu səbəbdən Assanj 2019-cu ildə saxlanılıb. Daha sonra o, zaminə buraxılsa da, şərtləri pozduğuna görə həbs edilib və Londondakı Belmarş həbsxanasına aparılıb. O, bu ilin iyul ayında azadlığa buraxılıb.