Bir sual həyatını dəyişdi: acı taledən sonra milyonçu oldu

Türkiyənin Muğla şəhərində sürücü işləyən şəxs qısa zamanda milyonçu olub.

Ölkə.Az "Sabah"a istinadən xəbər verir ki, hadisə 5 il əvvəl yaşanıb və Muğlada Böyükşəhər Bələdiyyəsində bələdiyyə avtobus sürücüsü işləyən Cihan Altının başına gəlib.

O, baş verənlər haqqında bunları deyib: "Avtobus sürücüsü işləyərkən bir sərnişin mənə yaxınlaşıb "Sən Kömürçü Orxanın oğlu deyilsən? Bu min lirəni götür atana ver. Aldığımız kömür üçün ona borcumuz var” deyərək avtobusdan düşüb. Lakin pulu verən şəxsə dedim ki, yəqin məni kiminləsə səhv salırsınız. O isə israrla dedi: “Xeyr. Sən kömürçü Orxanın oğlusan, atana salam de”. Bundan sonra həmin insan oradan uzaqlaşdı".

Bundan sonra Cihan hadisəni anasına danışır və anası isə həmin şəxsin dediklərini təsdiqləyir. Anası Suzan Yıldırım  Cihana deyir ki, 1987-ci ildə ədliyyə orqanında işləyərkən iş adamı Orhan Karaca ilə eşq münasibəti yaşayıb və ondan övladı olub. Amma o, övladını qanuni nikahda olduğu həyat yoldaşı Yaşar Yıldırımın adına yazdırır.

Cihan Altın bununla bağlı məhkəməyə müraciət edərək 63 yaşlı iş adamı Orhan Karacaya qarşı atalıq iddiası açır.

Məhkəmə 6 yaşında ikən yol qəzasında dünyasını dəyişən atası Yaşar Yıldırımın məzarı açıb və onun atası olmadığı məlum olub. Belə ki, DNT müayinəsi nəticəsində Cihan altının Orhan Karacanın 99,9 faiz bioloji ata olduğu müəyyən olunub. 

Məhkəmənin qərarı ilə Cihan Altın Orhan Karacanın qeydiyyatda olan 15 daşınmaz əmlakına və 100 milyon sərvətinə ortaq olub. O, atalığın qəbul edilməməsi səbəbindən açdığı 355 min lirəlik təzminat iddiasını da qazanıb.

Altın onu da deyib ki, təzminat yolu ilə aldığı 335 min lirəni valideynsiz böyüyən uşaqlar üçün Uşaq Müdafiə Təşkilatına verəcəyək.

Mürtəza
Ölkə.Az