Əməliyyat olunmuş əməkdar artist: "Hava da soyuqdur, niyə gəlsinlər e?"

"Ayağımda damar genişlənməsi var idi, əməliyyat olundum, indi yaxşıyam. Artıq evə gəlmişəm və yavaş-yavaş gəzirəm. Həkim deyib ki, tədricən gəzməliyəm".

Bu fikirləri Ölkə.az-a açıqlanmasında Azərbaycan Dövlət Musiqili Teatrının aktrisası, yenicə əməliyyat olunmuş əməkdar artist Nahidə Orucova söyləyib.

Aktrisa bildirib ki, hazırda özünü yaxşı hiss edir. Əməkdar artist "həmkarlarınız sizə baş çəkibmi" sualına belə cavab verib:

"Həmkarlarım zəng vurub halımı soruşurlar. Heç qıymıram da gəlsinlər. Çünki şəhərdən kənarda, Əhmədlidəyəm. Elə zəngləri mənə bəsdir. Hava da soyuqdur, niyə gəlsinlər e?"

Qeyd edək ki, aktrisa bir neçə gün öncə həkim Məhəmməd Məhərrəmov tərəfindən əməliyyat olunub.

İntiqam VALEHOĞLU
Ölkə.az