Mirzoyan: İrəvanın mövqeyində heç nə dəyişməyib

Azərbaycana təqdim edilmiş sülh müqaviləsi layihəsində tam razılaşdırılmış mətn var. 

Ölkə.Az xəbər verir ki, bunu Ermənistanın xarici işlər naziri Ararat Mirzoyan deyib.

Mirzoyanın sözlərinə görə, 10-cu redaktədə əvvəllər tam razılaşdırılmış maddələr və ya məqalələrin hissələri yer alıb. “Biz Azərbaycanın reaksiyasını gözləyirik. Qısa müddətdə sülh müqaviləsi imzalamaq və Cənubi Qafqazın bizim hissədə sülh səhifəsi açmaq üçün real imkan var”, - Mirzoyan bildirib. 

O əlavə edib ki, Ermənistanın kommunikasiyaya yanaşmaları da dəyişməzdir. "İrəvan “Sülh kəsişməsi” təşəbbüsünün prinsiplərinə uyğun olaraq mümkün qədər tez kommunikasiyaların blokunu açmağa hazırdır", - o qeyd edib.

Mirzoyan onu da bildirib ki, dəhlizin yaradılması və nəzarətin hansısa tərəfə verilməsi ilə bağlı heç bir şey müzakirə olunmur. "Artıq üçüncü qüvvələrin mövcudluğunun qəbuledilməz olduğunu bildirdik. Bizim mövqeyimizdə heç nə dəyişməyib”, - Mirzoyan deyib.

Mürtəza
Ölkə.Az