Fransadan İŞİD-ə ağır zərbə

Neftin satıldığı mərkəz partladılıb

Ölkə.Az-ın xəbərinə görə, Fransanın müdafiə naziri Jan İv le Drian bəyan edib ki, Suriyada həyata keçirilən hava hücumlarında İŞİD-in nəzarətində olan neft satışı mərkəzləri zərbələrə məruz qalıb.

Həmin mərkəzin Suriyanın şərqində, İŞİD-in 1 ilə yaxındır ələ keçirdiyi Deyr əz-Zor qəsəbəsində yerləşdiyi bildirilir.

Nazir qeyd edib ki, artıq Fransa Silahlı Qüvvələrinin Suriyada həyata keçirdiyi üç hava əməliyyatı və bombardmanlar nəticəsində İŞİD-ə aid bir çox hədəflər məhv edilib.

Rəşid Mustafazadə

Ölkə.Az