Elə mərhələ yetişər ki, Ermənistanın süqutu qaçılmaz proses olar - AÇIQLAMA

Bu gün rəsmi İrəvan Bakının şərtləri daxilində sülh  danışıqlarından yayınıb manipulaysiya etməklə əslində Ermənistanın təlükəsizliyini ciddi  təhdid altına qoymuş olurlar.

Bunu Ölkə.Az-a açıqlamasında deputat Məşhur Məmmədov deyib.

O bildirib ki,  İrəvan sülh danışıqlarından  yayınmaqla vaxt qazanıb nəsə uğur əldə etməsi qeyri-mümkündür. "Sülhdən yayınmaqla vaxt qazanmaq  Ermənistanın ziyanına işləyir. İrəvanın bu addımı bölgədə dayanıqlı sülhə deyil, əksinə maraqlı güclərin toqquşmasına  şərait yaratmaqla  gərginliyin daha da dərinləşməsinə  yol açır.  Əgər İrəvan  bu yanlış siyasətindən əl çəkmzəsə, o zaman Ermənistan maraqlı güclərin açıq  toqquşma məkanına çevriləcək. Bu da nəticə etibarı ilə  Ermənistan dövlətçiyinin varlığını ciddi təhdid altında qoyacaq", - o qeyd edib.

O eyni zamanda əlavə edib ki, danıqşılardan yayınmaqla İrəvan getdikcə əhəmiyyətini itirən  tərəfə çevrilir: "Artıq kimsə onun mövqeyini nə nəzərə almır və proseslərdən kənarda qalır.  Sadəcə maraqlı qüvvələr Ermənistandan bir vasitə kimi istifadə etməklə bölgədə maraqları naminə  "bazarlıq" edirlər. Bu da Ermənistanın nə qədər əhəmiyyət ölkə olduğunu ortaya qoyur. Proses belə davam edərsə, gələcəkdə Ermənistan  öz əhəmiyyətini itirməklə danışıqlar prosesindən kənar qala bilər.  Bunun üçün  Ermənistan tərəfi son 30 illik tarixin acı nəticələrinə nəzər salıb bundan dərs çıxarsalar yaxşı olar. Əks təqdirdə elə bir mərhələ yetişə bilər ki, Ermənistan dövlətçiliyinin süqutu qaçılmaz proses olar". 

Mürtəza
Ölkə.Az