Türkiyə gözəlindən tənqidlərə cavab: savadsız insanlar...
“Miss Turkey 2024” tacını qazanan İdil Bilgen bütün tənqidlərə baxmayaraq, Türkiyəni “Miss World” yarışmasında təmsil etməyə hazırlaşır.
"Ölkə.az" Kult.az-a istinadla xəbər verir ki, Türkiyə gözəli bunu televiziya proqramlarının birində dilə gətirib.
O, bu taca layiq olmadığı haqqında deyilən sözlərə isə əhəmiyyət vermədiyini açıqlayıb:
“Ölkəmizdə qadın və uşaq qətlləri kimi böyük bir dərdimiz olduğu halda, insanlar tərəfindən mənə qarşı səslənən mənfi fikirlərə məhəl qoymuram. Bunlar savadı olmayıb, fikir yürüdən insanlardır. Şərhlərə ümumiyyətlə əhəmiyyət vermirəm”
Xatırladaq ki, “Miss Türkiyə 2024” finalı sentyabrın 11-i baş tutub. Gözəllik tacını tibb fakültəsinin məzunu və Ankaranın Ukraynadakı səfiri, milyonçu Levent Bilgenin qızı İdil qazanıb. 1.80 m boyu olan Bilgenin qalib olması sosial mediada bəzi tənqidlərə səbəb olub. Çoxları onun zahiri görünüşünü bəyənməyib.
