Böyükağa Hacıyev \"Neftçi\"ni ələ saldı: “Neftçi”yə dörd bacı, bir ana lazımdır ki, qoyub qabağına, oturub ağlasın...

Azərbaycanın tanınmış futbol mütəxəssisi Böyükağa Hacıyev “Neftçi”nin son uğursuzluqları barədə danışıb

Mütəxəssis Ölkə.az-a açıqlamasında klubdakı vəziyyətin ürəkağrıdıcı olduğunu deyib. Əməkdaşımızın "komandada hansı mövqelərə oyunçu transfer edilməlidir" sualına Hacıyev kinayəli şəkildə cavab verib:

“Neftçi”yə 18 oyunçu, 5 nəfərlik məşqçi korpusu, 4 bacı, bir ana lazımdır ki, qoyub qabağına, oturub ağlasın. İndiki durumda mənə təklif gəlsə, orada işləmərəm. Çünki dekabra kimi transfer qadağası var. Bu heyətlə heç nə etmək olmaz".

Qeyd edək ki, “Neftçi” son turda autsayder “Rəvan”a 2:3 hesabı ilə məğlub olaraq uğursuzluq seriyasını qıra bilməyib. Flaqman hazırda 13 xalla 6-cı yerdə qərarlaşır.

Taleh Rəcəb
Ölkə.az