Britaniya XİN başçısından Azərbaycana dəstək
Böyük Britaniyanın xarici işlər naziri Devid Lemmi “Substack” onlayn platformasında Azərbaycanın Qarabağı erməni işğalından azad etməsini dəstəkləyib.
"Ölkə.az" xəbər verir ki, bu barədə "Politico" nəşri məlumat yayıb.
"Mən Ukraynanı tərk edərkən Putinin imperialist hərəkətlərinin əks effekt verdiyini düşünməyə bilməzdim. Kiyevdə insanlar Ukrayna kimliyi ilə fəxr edirlər. Avropanın qalan hissəsinə yaxın qalmaq istəyi hamıya aydın idi. Aİ-yə üzvlük danışıqlarının başlaması ilə bu əlaqələr getdikcə güclənir.
Eyni təsir Rusiyanın qonşuları arasında da nəzərə çarpır. Orta Asiyanın şərq və cənub ölkələrində bunun artdığı görünür. Azərbaycan 1990-cı illərin əvvəllərində itirdiyi əraziləri azad edə bilib. Gürcüstan və Moldova NATO və Aİ ilə əməkdaşlıq edir.
Belarus, KXDR və İran kimi yalnız bir neçə kövrək rejim hələ də Moskva ilə həmrəydir. İyirmi birinci əsrdə belə Çarlığın öz hədləri var", D.Lemmi qeyd edib.
