Xəbər saytları çökə bilər

“SimpleReach” analitik şirkətinin məlumatına görə, “Facebook” sosial şəbəkəsindən dünyanın aparıcı media saytlarına keçid edən istifadəçilərin sayı 2015-ci ilin yanvar-oktyabr aylarında orta hesabla 32% azalıb.

Bu barədə Ölkə.Az Azvision.az-a istinadən xəbər verir.

Dünyanın 10 aparıcı media orqanında trafik azalması 42,7% təşkil edib. Bu məlumatı yanvar-sentyabr aylarında “Facebook”dan dünyanın 50 əsas saytına istifadəçi keçidlərinə izləyən “SimilarWeb” potalı da təsdiqləyib. Belə ki, “Huffington Post”-a daxil olan istifadəçilərin sayı 60,1% aşağı düşərək - 16 milyon istifadəçi, “BuzzFeed” 40,8% azalaraq - 23,7 milyon nəfər olub.

İstifadəçi keçidlərin ən böyük azalma orta hesabla – 75%, fevral ayında qeydə alınıb. Bundan başqa azalma mart və aprel aylarında da müşahidə olunub. Bu isə “Facebook” sosial şəbəkəsinin öz xəbər platformasını – “Instant Articles”-i işə saldığı vaxtla üst-üstə düşüb. Bu platforma ilkin olaraq dünyanın aparıcı KİV tərəfindən qəbul olunmasa da, sonradan onlar bu yeniliyin ilk tərəfdaşları olublar.

Ölkə.Az