ABŞ-dan Türkiyəyə çağırış: “S-400-ləri Ukraynaya verin”
Türkiyənin Rusiyadan S-400 hava hücumundan müdafiə sistemi alması ABŞ ilə illərdir davam edən böhrana səbəb olub. Ağ Ev Ankaradan S-400-lərdən xilas olmağı təkid etsə də, qarşı tərəf bundan israrlı şəkildə imtina edir.
Ölkə.Az xəbər verir ki, BBC yaranmış böhranla bağlı məqalə dərc edərək problemin detallarını açıqlayıb.
Nəşr yazır ki, 2012-ci ilin sonunda Suriyadakı müharibə Türkiyədə mülki şəxslərin ölümünə səbəb olanda Ankara NATO-dan hava hücumundan müdafiə qüvvələrinin gücləndirilməsi tələbi ilə müraciət etdi. Lakin NATO Ankaranın bu cavabına müsbət reaksiya vermədi. Nəticədə Ankara Rusiyadan belə bir silaha almaq məcburiyyəti qarşısında qaldı. ABŞ və NATO isə Ankaranın S-400 sistemini almasına qarşı çıxdılar.
Onlar qeyd edirlər ki, S-400 hava hücumundan müdafiə sistemləri heç bir şəkildə NATO-nun mövcud müdafiə və radar sistemlərinə inteqrasiya oluna bilməz.
Etirazla işini bitirməyən Vaşinqton Amerikanın Düşmənlərinə Sanksiyalar Yoluyla Mübarizə Aktı (CAATSA) çərçivəsində Türkiyəyə və onun bir sıra məmurlaırna qarşı sanksiya tətbiq edib.
Türkiyə S-400 ssitemindən imtina etməi əvəzində ABŞ istehsalı olan Patriot hava hücumundan müdafiə sistemlərini, 40 yeni F-16 və mövcud təyyarələr üçün 79 modernləşdirmə dəsti almağı tələb edib.
Vaşinqton 20 aylıq danışıqlar prosesindən sonra Türkiyənin tələbini 2024-cü ilin yanvarında təsdiqləyib.
Bununla bağlı 30 yanvar 2024-cü ildə CNN Türk-ə açıqlama verən ABŞ dövlət katibinin müavini Viktoriya Nuland deyib ki, əgər S-400 problemini həll edə bilsək, ABŞ Türkiyəni yenidən F-35 ailəsinə qəbul etməkdən məmnun olar.
ABŞ-da nəşr olunan "Wall Street Journal" nəşri isə 18 mart 2022-ci ildə Türkiyəyə S-400 hava hücumundan müdafiə sistemini Ukraynaya göndərməyi tövsiyə edən məqalə dərc edib.
Məsələ ilə bağlı mövqeyini açıqlayan Türkiyə prezidenti Rəcəb Tayyib Ərdoğan deyib ki, S-400-lə bağlı məsələ bizim üçün qapanıb.
Mürtəza
Ölkə.Az
