Türkiyədə polis bölməsində atışma

Türkiyənin Siirt şəhərində polis bölməsinə silahlı hücum olub.

Bir neçə saat bundan naməlum silahlı şəxslər polis bölməsinə yaxınlaşaraq atəşə tutublar. Polis əməkdaşları isə dərhal onlara qarşılıq verib. Qısa müddətli atışmadan sonra naməlum silahlılar hadisə yerindən qaçıb.

Silahlı hücum zamanı ölən və yaralanan olmayıb. Ehtimal olunur ki, naməlm silahlılar PKK tərəfdarlarıdır.

Jandarma qüvvələri silahlıların tutulması istiqamətində əməliyyatlara başlayıb.

Qeyd edək ki, Türkiyə-Suriya sərhədindəki Kobanidə vəziyyət gərginləşəndəb bu yana PKK tərəfdarları Türkiyənin müxtəlif şəhər və vilayətlərində etiraz aksiyaları keçirirlər. Onlar Türkiyə hökumətinin Kobanidə döyüşən kürdlərə kömək etməsini tələb edirlər. Aksiyalarla əlaqədar bir sıra vilayətlərdə komendant saatı elan edilib. Nümayişlər zamanı isə 19 nəfər ölüb. (anspress)

Ölkə.Az