Kürdəmirdə ağır qəza - 7 nəfər yaralandı

Kürdəmirdə ağır yol nəqliyyat hadisəsi baş verib, xəsarət alanlar var.

Ölkə.az Report-a istinadən xəbər verir ki, hadisə Bakı-Qazax yolunun rayonun Sığırlı kəndindən keçən hissəsində qeydə alınıb.

Belə ki, "Mercedes" markalı mikroavtobus Gəncə istiqamətində hərəkətdə olarkən əks istiqamətdə hərəkət edən "VAZ 2107" markalı avtomobillə çırpılıb.

Nəticədə 7 xəsarət alıb. Onlar Kürdəmir Rayon Mərkəzi Xəstəxanasına aparılıb.

Xəsarət alan şəxslər aşağıdakılardır:

- 1957-ci il təvəllüdlü Hüseynova Həqiqət Abdulhəmid qızı,

- 2004-cü il təvəllüdlü Məmmədova Zərifə Zahid qızı,

- 1980-cı il təvəllüdlü Bəşirov Ramal Vaqif oğlu,

- 1991-cu il təvəllüdlü Hüseynov Vasif Hüseyn oğlu,

- 1978-ci il təvəllüdlü Məmmədova Ziyafət Zəkəriyyə qızı,

- 1999-cu il təvəllüdlü Rəfiyev Sübhan Şahin oğlu,

- 1952-ci il təvəllüdlü Allahverdiyev Teyyub Nurəddin oğludur.

Faktla bağlı araşdırma aparılır.