ABŞ Dövlət Departamentindən kürdlərə: "Ağlınıza belə gətirməyin!"

ABŞ Dövlət Departamentinin sözçüsü Mark Toner kürdləri məyus edib.

Ölkə.az xəbər verir ki, ABŞ Dövlət Departamentində verilən bugünkü brifinqdə Suriya problemi müzakirə olunub.

Jurnalistlərin suallarına cavab verən Mark Toner YPG-nin Suriyada özəl kürd bölgəsi yaratmaq planlarından danışaraq bunun yolverilməz olduğunu bildirib.

"YPG-nin İŞİD-lə mübarizə aparan qüvvələr arasında ən güclülərdən və effektli qruplardan biri olduğunu dəfələrlə vurğulamışıq. YPG-yə İŞİD-lə mübarizədə bütün lazımı dəstəkləri vermişik, amma Suriyanın ərazi bütövlüyünə təhlükə gətirəcək heç bir addımı dəstəkləməyəcəyik. İŞİD-dən azad edilən bütün bölgələr gələcək vahid Suriya dövlətinin əraziləri olacaq. Hansısa bölgədə özəl idarəçilik yaratmaq istəyənlərə isə bildiririk ki, bunu ağıllarına belə gətirməsinlər",deyə ABŞ Dövlət Departamentinin rəsmisi sözlərinə əlavə edib.

Ölkə.az