ABŞ-də "yadplanetli" sahilə çıxdı

ABŞ-də yadplanetliyə bənzər balıq sahilə çıxıb.

Ölkə.az Publika.az-a istinadən xəbər verir ki, Oreqon ştatında çimərlikdə insanlara “yadplanetli”ni xatırladan günəş balığı tapılıb.

Bu, yerli ekoloqların və bioloqların marağına səbəb olub.

Mütəxəssislərin fikrincə, hazırda bu ərazidə meduzalar çoxdur və onlar bu unikal dəniz canlılarının əsas qidasıdır.

"Onlar fəal şəkildə meduzalarla qidalandıqları üçün ilin bu vaxtında sayları burada çox olur", - deyə okeanoloqlar bildiriblər.

Onlar bu hadisəni bölgədə baş verən mümkün ekoloji dəyişikliklərlə də əlaqələndiriblər.