Bakıda 10 gün əvvəl əməliyyat olunan azyaşlı öldü
Bir neçə gün əvvəl Bakıda boğazından əməliyyat edilən qız vəfat edib.
Ölkə.az-ın “Qafqazinfo”ya istinadən məlumatına görə, sentyabrın 15-i Lənkəranın Separadi kənd sakini, 2015-ci il təvəllüdlü Sevinc Elman qızı Əzimzadə Bakıda yerləşən 2 saylı Uşaq Xəstəxanasında boğaz nahiyəsindən cərrahi əməliyyat olunub. Bir gün sonra isə evə buraxılıb.
Sentyabrın 25-i saat 09 radələrində azyaşlı qanaxma səbəbi ilə rayon Lənkəran Şəhər Mərkəzi Xəstəxanasına gətirilib. Lakin az sonra o vəfat edib.
Faktla bağlı araşdırma aparılır.
