İsraildən "Hizbullah" lideri Nəsrullahın öldü iddiası

İsrailin Livanın paytaxtı Beyruta son hücumlarında hədəf aldığı bildirilən "Hizbullah" lideri Həsən Nəsrullahın taleyi yerli mediada müzakirə olunur.

Ölkə.Az xəbər verir ki, İsrailin "Kanal 12" telekanalı "Hizbullah" lideri Nəsrullahın hücuma məruz qalan sığınacaqda olduğunu və oradan sağ çıxmasının çətin olduğu iddia edib.

Telekanal ən yaxşı halda hücum nəticəsində yaralandığını da bildirir.

"Walla" saytının yazdığına görə, Nəsrullahın hücuma məruz qalan sığınacaqda olmasına dair məlumatları getdikcə artır və onun buradan çıxmasının çətin olduğunu iddia edib. 

Qeyd edək ki, İsrail döyüş təyyarələri Beyrutun Dahiyə bölgəsində "Hizbullah"ın sıx məskunlaşdığı bir çox binanı bombalayıb.

Hücumlar nəticəsində Dahiyə bölgəsində ənazı 6 bina dağılıb, ilkin məlumata görə, 2 nəfər həyatını itirib, 76 nəfər yaralanıb.