Kürdlər İŞİD-ə qarşı hücuma keçdi

Şəhərdən yaraqlıları silah-sursatla təmin edən açar xətlərindən biri keçir

Ölkə.Az "Agence France Presse"a istinadən xəbər verir ki, kürd silahlı qüvvələri İraqın şimalında Sincar şəhərində İŞİD terror qruplaşmasına qarşı genişmiqyaslı hərbi əməliyyata başlayıblar.

Bu şəhərdən yaraqlıları silah-sursatla təmin edən açar xətlərindən biri keçir.

"Hücum 07:00-da başlayıb və peşmərgə qüvvələri Sincar dairə mərkəzinin azad olunması üçün bir neçə istiqamətlər üzrə hərəkət ediblər", - deyə general-mayor İzzəddin Saadun bildirib.

Xatırladaq ki, ABŞ Dövlət Departamentində verilən bugünkü brifinqdə Suriya problemi müzakirə olunub.

Jurnalistlərin suallarına cavab verən Mark Toner YPG-nin Suriyada özəl kürd bölgəsi yaratmaq planlarından danışaraq bunun yolverilməz olduğunu bildirib.

Rəşid Mustafazadə

Ölkə.Az