İŞİD-in rəsmi cəlladı Cihadçı Con öldürülüb

İŞİD-in rəsmi cəlladı sayılır

Ölkə.Az xəbər verir ki, ABŞ mənbələrinin iddiasına görə, İŞİD terror təşkilatının rəsmi cəlladı sayılan "Cihadçı Con" ləqəbli britaniyalı Məhəmməd Emvazi öldürülüb.

O, internetdə yayılan edam videolarında cəlladlıq etməsi ilə məşhurlaşıb.

"Biz 99% əminik ki, o öldürülüb", - deyə ABŞ hökumət nümayəndəsi "Fox News"a müsahibədə bildirib.

Pentaqonun mətbuat katibliyinin məlumatına əsasən, ABŞ hərbi-hava qüvvələri Suriyanın Raqqa şəhərində "Con"un gizləndiyi mövqelərə zərbələr endirib.

Qeyd edək ki, Məhəmməd Emvazi İŞİD-in rəsmi cəlladı sayılır.

O, 17 avqust 1988-ci ildə Küveytdə anadan olub. Altı yaşında İngiltərəyə gəlib. Qərbi Londonda yaşayıb və Böyük Britaniya vətəndaşıdır.

Britaniya ləhcəsinə görə "Beatles" qrupunun üzvü Con Lennonun adı verilən "Cihadçı Con"un Amerika jurnalistləri Ceyms Foli və Stiven Sotloff, Britaniyanın yadım işçiləri David Heynes və Alan Henninq, eləcə də amerikalı yardım işçisi Əbdül Həmid Kassiqini qətlə yetirdiyi guman edilir.

Washington Post qəzeti yazır ki, Məhəmməd Emvazi Britaniyada yaşayan imkanlı ailədəndir. Qəzetdə onun kompüter proqramları üzrə kollec məzunu olduğu yazılıb.

Rəşid Mustafazadə

Ölkə.Az