İran Avrasiya İttifaqına qoşulur?

"İranın Avrasiya İqtisadi Birliyinə qoşulması məsələsi 2-3 il ərzində öz həllini tapa bilər"

Ölkə.Az xəbər verir ki, bu fikirləri İranın Rabitə və kommunikasiya naziri, Rusiya-İran parlamentlərarası komissiyanın həmsədri Mahmud Vaezi iclas zamanı səsləndirib.

"Ümumillikdə biz bu ideyanı alqışlayırıq. Ancaq bu cür məsələ ilə bağlı diskussiyalar xeyli vaxt aparır. Müxtəlif nazirliklər səviyyəsində böyük iş aparmaq və ayrı-ayrı məsələləri işləmək lazımdır, danışıqlar 2-3 il apara bilər", - deyə Vaezi bildirib.

Avrasiya İqtisadi Birliyi 29 may 2014-cü ildə Belarus, Qazaxıstan və Rusiya tərəfindən imzalanmış müqavilə ilə qurulan siyasi və iqtisadi təşkilatdır. Ermənistanı da Avrasiya İqtisadi Birliyinə daxil edən müqavilə 9 oktyabr 2014-cü ildə imzalanıb. Birliyin fəaliyyəti rəsmi olaraq 1 yanvar 2015-ci ildə başlayır.

Rəşid Mustafazadə

Ölkə.Az