Sosial şəbəkələrlə bağlı qanun qəbul edilməlidir - Milli Məclisdə təklif 

Artıq zamanı yetişib ki, Azərbaycan da sosial şəbəkələrin fəaliyyətini tənzimləyən qanun qəbul edilməlidir.

Ölkə.Az xəbər verir ki, belə bir təkliflə deputat Vüqar İsgəndərov parlamentin bu gün keçirilən plenar iclasında çıxış edib.

“Sosial şəbəkələr sanki cəngəllik qaydaları ilə idarə olunur. Sosial şəbəkələrdən bir çoxları manipulyasiya kimi istifadə edirlər. Dünyanın bir çox ölkələrindən sosial şəbəkələrlə bağlı qanun mövcuddur və hesab edirəm ki, biz də vaxt itirmədən belə bir qanunun qəbul edilməsinə çalışmalıyıq”, - deputat qeyd edib.

Deputatın çıxışına reaksiya verən Milli Məclis sədri Sahibə Qafarova bildirib ki, ölkədə “Media haqqında” qanun qəbul edilib və adıçəkilən qanun qəbul edilərkən çox ciddi müzakirə edilib. “Amma onu da qeyd etməliyəm ki, deputatlar da aktiv olmalıdır. Digər tərəfdən səsləndirdikləri fikirlərdə diqqətli olmalıdırlar”, - spiker qeyd edib.

Mürtəza
Ölkə.Az