Uçuş zamanı kapitan pilot öldü, təyyarə təcili eniş etdi - FOTO

Türkiyə Hava Yollarının (THY) kapitanı İlçehin Pəhlivan uçuş zamanı ölüb.

Ölkə.Az Türkiyə mətbuatına istinadla xəbər verir ki, təcrübəli kapitan Sietl-İstanbul reysi zamanı huşunu itirib.

Bütün müdaxilələrə baxmayaraq onun həyatını xilas etmək mümkün olmayıb.

İkinci pilot THY-nin təyyarəsini Nyu-York hava limanına endirib.
THY-nin açıqlamasında qeyd edilib ki, bu ilin 8 martında İ.Pəhlivanın dövri sağlamlıq müayinəsi aparılıb və onun səhhətində işləməsinə mane olacaq hər hansı problem aşkar edilməyib.

Təyyarə Nyu Yorka təcili eniş etsə də, pilot enişdən əvvəl ölüb.

59 yaşlı pilotun 2007-ci ildən bəri THY-də çalışdığı bildirilib.

Billurə